أدب وفن

صباح الفل يا بلدى

شريف_الجيار

صباح الفل يا بلدى
أنا الدرويش على بابك

أنا اللى ركبت ضهر الموت
و أنا اللى عشقت أحبابك

أنا اللى سرحت فى الملكوت
و جيت لما الألم صابك

أنا أهلك . أنا ناسك
أنا فى الوحده وناسك

و فى محرابك الطاهر
بأكون دايمآ عابد ناسك

أنا المسؤل على عرشك
و أنا الفلاح و كناسك

أنا اللى زرعت قمحاتك
و أنا اللى مسحت دمعاتك

أنا اللى الضيف بأكون وياه كريم و لطيف
و أنا اللى كل جحيم الدنيا
بأسقيه غصب لأعدائك

أنا اللى كتبت و بدمى تواريخك و أيامك
و أنا اللى سجدت يوم النصر
للخالق على تراااابك
صباح الفل يا بلدى
أنا الدرويش على بابك

زر الذهاب إلى الأعلى