منوعات

” ارجع لقلبك “

كتبت /سلمي أشرف

 

الناس اللي عايشه تراقب الآخرين اللي خذلوهم، و مش بيفكروا غير فى الماضي اللطيف اللي كانوا عايشين فيه معاهم، دي ناس بتقرر كل يوم الصبح إنها تسحب رصيد السعاده اللي ربنا منحه ليها مع إشراقة شمس جديده، و تستبدله بوجع و أذي نفسي و دوامه من الهم و الغم و الإحساس بإنها تايهه و ضايعه !

ناس قررت ترسم لوحة حياتها بالأسود، لأنها وقفت عند لحظة وجعها، و جهلها أخدها انها مستحيل تطلع منها، و كل شويه تدي لعقلها و مشاعرها حقنة بنج تتصبر بيها من خلال الذكريات و المراقبه و دا علشان تلطف بيها مشاعرها، و الكارثه إنهم بيدبحوا روحهم بسكينه بارده و هما مش حاسين، و بيزودوا مرضهم بصوره أكبر !!

حد خذلك .. علاقه انتهت .. ارجع شوية لقلبك و كلمه .. عرفه إن مينفعش الضعف اللى هو عايشه، و إنه محتاج يشوف الموضوع بصوره أكبر من مجرد الخذلان، و إن الحياه مش مجرد مشهد واحد اسود بنفضل فاكرينه ..
خليه يتعافي .. خليه يشوف مشاهد تانية أفضل، و عالجه علشان يقدر يستمر، و ياخد خطوه لقدام.

زر الذهاب إلى الأعلى