أدب وفن

الموهوب محمد يحيى ينشر قصيدة جديدة بعنوان عالم فاضي

كتبت: شيماء اليوسف

عالم فاضي

أنا شوفت كتير أيام حلوة ومرة
عن صاحب ندل سابني وباع
او بمعنى أصح لسه مقلش وداع

هو مازال بيكلمني وعادي بس وقت المصلحة موجود
والكلام بينا بقا بحدود.. ييجي يحكيلي خالد عمل اي مع محمود

يفضل ينبش ف الخلق لحد مابقى عايش ف أوهام
فجأة وبكل هدوء قل ما بينا الكلام
وأصبح كل اللي بينا هو السلام
حتي السلام بقا بالنظره بعد مكان بالاحضان

يا خسارة يا صاحب عمري كنت فاكرك راجل
وانك ضهري وجنبي لآخر الدهر
فاكر خطتنا لفرحي لما كان فرحك هو نفس فرحي
مكنتش متوقع ان كل اللي بينا يبقي مجرد رؤية حالات

او فجأة بدون سبب تختفي المكالمات
صحيح للحق انت بتسأل عليا ساعات
زي مثلا لما تكون عايز شويه حاجات
أنا مش بعايرك بس انا محدش ليه عليا مجاملات

أنا مش لعبه معاك وقت متحب تجيلي ألعب معاك
ولا عيل صغير بتضحك عليه بشويه فكات
تضحك ف وشي ومن ورايا تكلم عليا…صدقني
أنا مكتفي بذاتي مش محتاج أكون سد خانات

أقولك حاجه انت أصلا خساره فيك الكلام
أيوا زعلت شويه عليك بس عارف ليه
لأني صاحب تمام
مش زيك بشيل وبخزن وبياع كلام

ولأني اتعلمت الاصول ودا طبع فينا
معليش كل واحد ليه طبعه برضك
إزاي هتكون راجل وانت حتي معرفشي تحافظ ع أرضك

مانا دايما بتخان من قريب وغريب
بس خلاص عمري مهوافق برجوعك تاني
أنا عارف اني شاعر حزين وأناني
بكتب بس شعري عن الصحاب وفراق الأهل وأحزاني

خلاص مابقتش عايز أتكلم ف حاجه
إخترت الوحده وفضّلت أكون مع حالي
انتو بصراحه مجتمع فاشل وبيقتل أحلامي

إتخذلت من الأهل والصحاب وأستاهل عشان كنت راضي
انت بعدت زيك زي غيرك فصدقني ماجتش من المرادي
أجيبلك من الآخر أنا ماعنديش وقت لحد فاضي

زر الذهاب إلى الأعلى