منوعات

لاتغسلها.. معلومات وأسرار خطيرة يجب أن تعرفها عند شراءك اللحمة

بقلم /د. جابر بريشة

اشتري اللحمة قطعة واحدة ولا تطلب من الجزار أن يقطعها وعندما تعود إلى بيتك قطعها بسكينة نظيفة على لوحة نظيفة ولا تغسلها بل اطبخها مباشرة
قبل ما نقول ليه عاوز أستثمر وجود أصدقاء على أعلى مستوى معرفي وأخلاقي وننشر المعرفة ونحارب مع بعض القنوات المشبوهة.

تلاقي واحد يقول كلمتين صح في وسط مائة كلمة غلط ويدمر المجتمع وهو يبقى نجم وله ملايين المتابعين.

خد ثواب وعلق وشارك هذا الكلام حتى لو كان كلام بسيط وانت عارفه لازم يبقالنا دور مجتمعي وأهي حاجة بسيطة وعلى قدنا إنما يعلم الله يمكن هي دي اللي ترفع قدرنا طالما بنعملها باخلاص.

نعود لموضوع اللحمة
من المؤكد أن الورش الذي تقطع علية اللحمة ملوث ببكتيريا السالمونيلا ولذلك فإن التقطيع عند الجزار قد يلوث اللحمة بالسالمونيلا أو يزيدها تلوثا إذا كانت بالفعل ملوثة.ده سبب نصيحتي أنك تشتريها حتة واحدة.

ماالسبب وراء عدم غسل اللحمة

غسيل اللحمة سوف ينشر السالمونيلا في المطبخ دون أن تشعر ودي حاجة معروفة جدا علميا واسمها التلوت العابر cross-contamination يعني هتلوث الحوض وتلوث الرخامة وادوات المطبخ.

كما سوف تذهب كميات رهيبة من السالمونيلا إلى مياه المجاري اللي هترجعلك تاني في أي صورة وسوف أثبت لك ذلك لا حقا. وبعد كل ده الغسيل مش هيخلصك من السالمونيلا بشكل أكيد. الطبخ هو الذي سيخلصك منها تماما فهي لا تعيش عند حرارة أكثر من 62 درجة مئوية.

طيب ناخد بأة حتة علمية مبسطة عشان تعرف انها ليه هتنتشر في المطبخ من غير ما تحس

البكتيريا يا جماعة أنواع تنتمي إلى أجناس والأجناس تنتمي إلى عائلات. والسالمونيلا نوعين تبع جنس Salmonella اللي هو من عيلة Enterobacteriaceae
النوعين دول كل نوع منهم يتكون من أكتر من 2500 سلالة أو بيقولو عليها أحيانا أنماط Serotype
البكتيريا دي بتتحرك عن طريق الخيوط إللي في الصورة.

وممكن تعيش في وجود الأكسجين وفي غياب الأكسجين وممكن تفضل لازقة على الرخامة سنين رغم إنها غير متجرثمة، منها أنواع ممكن تسبب تسمم بيسط وأنواع ممكن تسبب التيفود.

بتنتقل من حيوان لحيوان ومن حيوان لإنسان ومن إنسان إلى إنسان، بعضها لها قدرة عجيبة على مقاومة عصارة المعدة والوصول إلى الأمعاء الدقيقة واختراق الأغشية المخاطية وإحداث المرض.

زر الذهاب إلى الأعلى