تريند الأسبوع

الباشكاتب مذيع يوضح الصفات والسمات الواجب توافرها في الصحفي

كتبت: يسرا أحمد

نشرت قناة الباشكاتب مذيع الحلقة الأولي من فنون الصحافة الذي يقدمه الإعلامي عبدالرحمن ناصر

والتي يتم فيها توضيح

صفات وسمات الصحفي

حيث قال الباشكاتب مذيع أن أول نقطة

الثقة بالنفس

:لازم تكون واثق من نفسك وعندك شخصية قوية ..متخافش ..متجيش تقابل مسئول او مصدر وايدك تترعش وخليك عارف لو فقدت ثقتك في نفسك هتفقد ثقة المسئول فيك .

وأضاف تاني نقطةالمظهر العام

لازم تهتم بهندامك ولبسك وهيئتك مش لازم يكون لبس خارق ,,ممكن قميص وبنطلون محترم يعكس طبيعة مهمتك .

تالت حاجه الثقافة العالية والمعرفة

ودي تقدر تكتسبها من قراءة الكتب أو الجرائد أو مشاهدة النشرة أو الانترنت أو عن طريق انك تسمع لتجارب الاخرين وأخذ النصائح منهم .

رابع حاجه تكون اجتماعي وتفكك من جو الانطوائية والغرور

ويكون عندك القدرة علي تكوين العلاقات مع كل فئات المجتمع مش المسئولين بس تسمع الفلاح وتقعد مع الجزار وتتكلم مع الفراش كله ده بيزود خبراتك ومعرفتك بالحياة .

 

خامس حاجه الاخلاص

وهو انك تخلص للعمل اللي بتأديه وتعمله بضمير وده سر نجاح أي عمل مش بس الصحافة

لذلك في الثقافة الأمريكية يتكلمون علي أن الاخلاص هو جزء من النجاح ان لم يكن هو .

 

سادس وأهم حاجه الصدق والدقه :

حياتك المهنية مرتبطه بصدقك ودقتك ,فالصحفي الذي ينشر أخبار كاذبة بدون أن يتأكد منها مع مرور الوقت بينفر منه الجمهور.

سابع حاجه الالتزام بأخلاقيات العمل الصحفي :

والاخلاقيات دي بتنقسم لثلاث مبادئ أساسية

الموضوعية

يعني تعالج الموضوع وتناقشة من جميع الزوايا دون انحياز .

والجديه

يعني تدرس الموضوع بطريقة وافية.

التعددية

يعني تذكر مختلف الاطراف وتذكر العديد من المصادر .

سر المهنة : وهو انك مينفعش تفصح عن المصدر بتاعك لأي مخلوق الا لرئيس التحرير اذا طلب منك .

تامن حاجه :قوة الاقتراح :

الصحفي الناجح لايكتفي بتوجيهات رئيس التحرير أو رئيس القسم بل يجب عليه أن يكون لديه فكر ومقتراحات قوية يثبت بها جداراته .

وفي نهاية الحلقة قال يعتبر دي أهم الصفات اللي بتميز الصحفي

فلو انت فيك الصفات دي اعرف انك صحفي زي مالكتاب بيقول

لان الصفات اللي قلناها موجودة في كتاب مدخل الي الصحافة للدكتورة سلوي ابو العلا رئيس قسم الاعلام بالمنيا

زر الذهاب إلى الأعلى