أدب وفن

قصيدة “عارفه انك مش موجود”

بقلم: تغريد أبوالحسن

كنت بيت شعر حزين

فقصيدة مكتبتهاش

بتتعاش

في لحظات الحنين

من يوم ماكنت صوره بشريط اسود

مركونة جوه كتاب قديم

بفتحه يوميا

فعليا …

بسرح في الخيال مسرور

لأجل اتوه في زحمه المواويل

ولما التقينا في الف ليله وليله

بدأت اميل

ب ليل من بعد ليل

و كأني في حلم

للعلم ….

الواقع ألطف من غير تعقيد

بطلت اتدايق كل ماحس انك مش موجود

اكتفيت بالسكوت

او حاله عكس الواقع …

ف الواقع …

عارفه انك مش موجود

زر الذهاب إلى الأعلى