خواطر الترند

قصيدة ” طالْ البعادْ “

بقلم: لمياء علاء الأعصر

طالْ البعادْ
ولسّه بشتقلكْ
ولسّه قلبي رافضْ يندهلكْ
وبيني و بينك لسّه برضوا بيعاتبكْ
متلومنيش
كبريائي مانعني
وفي كل ليلة بقول يمكن قلبكْ سامعني
فبحكي مع نجوم السما
وبقول يمكن نجمي شايفني
شُوفتْ البُكا في عيوني ؟!
سمعتْ كمْ مرة البشر لاموني ؟!
وقالولي انسي اصله مات
والعمر فات
وانا لسّه بقول يمكن ترجعْ
فاكرْ حكاوينا
عندي ليكْ حكايات تانية طبْ اسمعْ !!
سيبتني وحدي وفين العهد ؟!
فاكر مكانّا المفضل طب فاكر الوعد ؟!
فاكر فستان فرحي ؟!
فاكر بدلتكْ ….!!
ودبلتي و دبلتكْ
حاجات شوفتها زودتْ نار جرحي
ارجعلي
اصابني الحزن
كل البشر سابوني
وحدكْ كنتْ جانبي
وحدكْ كنتْ حبيبي
هترجعلي صحْ ….؟!
هنعلن حفل زفافنا
وحياتنا هتبقى فرْحْ
مستنياكْ وباقية على العهدْ
مستنياكْ ولسّه قلبي فاكر الوعدْ .

زر الذهاب إلى الأعلى