خواطر الترند

قصيدة “البلياتشو”

بقلم: أسماء طاحون

غلاف مرسوم أراجوز يمكن

بيبان من بره مبسوط لكن من جوه بيموت مش مره ده ألف

قادر يرسم ضحكه تروح آخر السيرك

راسم وشه بألوان ميه أشكال وديكور

سامع همس الصوت بيقولوا مجنون

شايف راجل شايل ابنه بيضحك فيه ويقوله شوف عمو تافه وعبيط

مين قالك تحكم على حالي ؟

مين قالك تصدر أحكام؟

فتش جوايا هتعرفني واعمل رحله ليوم يمكن تجيلي علشان تحس بنعمه حالك

كلو بيضحك على كلو كلو مركب ماسكات تايه جوانا احساسنا بنمثل على روحنا ساعات راكبين الموجه وضايعين

بنصبر روحنا ب هتعدي !!

متفائل مضحك قدامك مع نفسي أتعس إنسان…!!

أنا جرحي مش اني بمثل وبداري في قلبي الأحزان أنا حزني انك متجرد من كل صفات الإنسان

متنمر على غيرك دايما والموضه انك مش خجلان

خفيف الظل شايف نفسك

بتسخر من كل اللي يقابلك

وبتعلن ذنبك وبتفخر

وكلامك زي السهم بيجرح

وتقلل من غيرك علني

وبتسخر من نقطه ضعفه

انا عازرك بتدور علي حاجه تضحك وأنا عاوزك تضحك والله

بس متبقاش خسران !

زر الذهاب إلى الأعلى