مناسبات

شاعرة الترند ريهام رمضان تهنئ أختها بقصيدة لخطوبتها

ترند نيوز

هنأت الشاعرة ريهام رمضان أختها رانيا رمضان  لخطوبتها بالأستاذ محمود عبدالفتاح متمنيه لهم حياة سعيدة ، وقدمت الشاعرة ريهام قصيدة ” كُوكيز ونسي” إهداء إلي أختها بهذة المناسبة .

 وتتقدم أسرة جريدة ترند نيوز بالتهنئة والمباركة لهم متمنين لهم السعادة وأن يجمع الله بينهما في خير ويتمم لهما علي خير .

يا كُوكيز ونسي
بحروف مرصوصه بشوكولاتة بتنسي
يا سهرة بزغاريط بتمسي
يا أُنس جميل لسهري
يا أجمل عروسة فِ بحري
بتفرح الليلة ع شط قلبي
بنوتي الجليلة و توأم قلبي
شوفتك فِ عيون بتوأم شكلي
بوستك بلون يطبع شكلك ع شكلي
فرحتك الليلة أجمل من حلم اتحققلي
دعيتلك و الليلة بس دعوتي إلك بتلبي
شوفتلك يااااما كتير ليالي
أفراح و زحمة كتير فِ منامي
كُنتي انتِ جوه تفسير أحلامي
و الليلة دي بتتحقق دعواتي و أحلامي
بقعدتك جنب نُصك
بنبارك و أصبحلك أُنسك
و شوفتك بجديد ونسك
و أتمني إنه يكونلك
ناسك و ونسك
فِ ضهرك يكون راجلك
و أشوفه گمان سندك
ميحبش فِ الكون قدك
يقف يشهد الكون لاجلك
إنه لا فِ قبلك ولا بعدك
دي آخر العنقود اتخطفت
صغيرتي فِ الحضانة .. من گام يوم
و قدام عيوني فجأة كبرت
أصبحت عروسة .. سارقه مني النوم
لاجل قصيدة .. تفرحها بالنهار ده اتخطبت
و بدبلة محمود .. لفت صباعها و اتشبكت
مبروك عليك ست البنات و الصُون
و آخيراً نقدر نقول .. و اهو جه اليوم
“شبگنا بدبلته .. بعد ما قرينا فتحته
و عرفنا نيته”
يا ساكنه ما بين ضلوعي
بقولك و بأفراح دموعي
افرحي و اضحكي و ارقصي
علي دقات طبول قلبي
الليلة ليلتك .. جايه و بعزفلك
بأوتار گلماتي و ألحان قلبي
يا ألمع نجمة فِ السما
بتلمع بدبلة الهنا
مبروك ليكي و لعريسك
يا روحي أنا
زر الذهاب إلى الأعلى