آراء حرة

” كلمتين وبس “

سلمى اشرف

مشهد بيتكرر كتير و بحس بكمية ضيق لما ما أقدرش أتكلم وقت حدوثه.

ماشيين في الشارع و تلاقي مثلا حد عنده مشكله جسديه ما، كل اللي في الشارع إلا من رحم ربي مبيقدروش يغضوا الطرف عن النظر للإعاقه أو المشكله بطريقه ملحوظه، و فيه منهم بيحدق النظر و نظرات الأسي علي وجهه .. بطريقه أنا لو كنت مكان الشخص اللي عنده مشكله هبقي متضايقه من كمية النظرات دي اللي ملهاش لزمه !

جروب بنات ماشيين و عدت عليهم بنت من الزنوج اللي بيكونوا جايين من أفريقيا مثلا، كذلك كم من النظرات من ساسها لرأسها و كأنها كائن فضائي، و فيه منهم للأسف بيتلمز و بيتريق !

يعني يا جماعه خلاصة القول :
أعطوا الطريق حقه، و أعطوا الناس حقوقهم برضه !!

بلاش نظرات الشفقه و السخريه
و الأفضل تغض البصر و لو مشهد إستفز فيك إحساسك بنعم ربنا فمن الأفضل إنك متوصلش ده للشخص اللي النعمه زايله عنه بنظراتك، و اكتفي بالتعامل بصوره طبيعيه و الدعاء ” اللهم عافني مما ابتليته و فضلتني علي كثيراً من خلقك تفضيلا ”
سرا كمان علشان منحرجش الناس .. كفايه عليهم اللي هما فيه !!

زر الذهاب إلى الأعلى