الزراعة

كيفيه إدارة محصول العنب تحت صوب البلاستيك

كتب: عاطف محمد

كلامي مع حضرتك النهارده بخصوص كيفية إدارةمحصول العنب تحت صوب البلاستيك
حضرتك انتهيت من التقليم والتربيط وقفلت حوشتك ورشيت الدورميكس السؤال اللي بيطرح نفسه اقفل منافذ الصوب ولا اسيبها مفتوحه
بص ياسيد المعالمين ، هناك مرحلة تسمى بمرحلة السكون ↔️
ومرحلة تسمى بمرحلة النشاط
اما عن المرحلة الأولى فهي مرحلة بيكون فيها النبات ساكن بصورة أدق بيكون في طور الراحه في ثبات عميق ،بيستريح من التعب طوال الموسم وهو شغال، ده كمان مش يقف ياخد بوار ده طالع نازل ,علشان كده لازم يكون في فترة اسمها فترة الراحه والسكون الأشجار بتكون ساكنه.
المرحله الثانيه،وهي بتتكلم عن فترة النشاط
طب ايه هي فترة النشاط الا حضرتك بتتكلم عنها
خليك معايا
أولا فترة النشاط هي الفترة إللي  النبات بيستعد فيها للخروج الى الحياة الطبيعية
بصورة أوضح، هي فترة بتكون بعد رش الدورميكس مباشر
طب النبات بعد رش الدورميكس مباشر بيستيقظ من النوم اللي فيه ولا بياخر شويه كمان
بص ياكبير المزارعين ،الدورميكس بعد الرش مباشر بيدخل عل النبات بيصحيه من النوم الا فيه بمعنى الدورميكس ده اسم كاسر سكون,علشان كده احنا لو سبنا النبات نائم هيفضل نايم لكن لازم نصحيا علشان كده بعد الرش بيفضل صاحي لكن العيون بتفضل ساكنه بمثابة 10ايام الفترة ديه بيكون النبات فيها ابتداء يكسر سكونه ويخرج لحياته الطبيعية
طب ممكن سؤال بعد أذنك
اتفضل ،طيب مدة ا10ايام دول مش المفروض نقفل الصوبه علشان أنا محتاج وحدات حرارية تساعدني في التفتح
بص انا هقلك عل حاجه كلامك ذي الفل
بس عاوزك تفهم أن فترة العشرة أيام بعد الدورميكس مش هتجبرك عل قفل الصوبه أو فتحها
طب ممكن دليل علمي علشان نفهم معاك
بص ياريس، الفترة ديه اسمها فترة النشاط يعني فترة نشاط العين بتكون العيون لسه بتستعد للتفتح ،ذي الواحد لما يبقى لسه قايم من النوم علشان كده من واقع تجاربي وشغلي يفضل ترك المنافذ مفتوح
طب هنقفلها امتى
عند درجة حرارة 30مئوية ويفضل بعد مرور 10 ايام
كمان لازم تستخدم جهاز ترمومتر داخل وخارج الصوره علشان درجة الحرارة
كمان نواصي بغلق الصوبه في فترة هبوب الرياح
فتح الصوبة أثناء ارتفع نسبةالصقيع والهواء البارد

زر الذهاب إلى الأعلى