سياسه

قال الرئيس السيسي

كتب – أحمد تميم

روسيا قالت إحنا بنبيع سلاح لأثيوبيا وعملنا أتفاق تدريب وصيانة وملناش دعوة بموضوع السد

الصين بعتت وزير خارجيتها لمصر يقول إحنا بنستثمر فى أثيوبيا لكن مصر عندنا أهم دولة فى افريقيا ونعلم مدى أهمية النيل للمصريين ..

فرنسا بلغت اثيوبيا أن تعنتك مع مصر فى موضوع السد سيكون له عواقب وخيمة عليكم ..

اسرائيل طلعت بيان باللغة العربية تنفى فيه أى علاقة لها بالسد الاثيوبى وتعرب عن فائق الإحترام والتقدير للشعب المصرى بقيادته الرشيدة بزعامة الرئيس عبد الفتاح السيسى ( كدابين طبعاً ولكن المهم أنهم الرعب طايلهم وفاهمين معنى لا يعتقد أحد أنه بعيد عن قدراتنا ) ..

انجلترا سربت وثائق قديمة من 60 سنة بتقول أنهم رفضوا ينضموا لحلف تقوده اثيوبيا مع دول المنبع لنهر النيل ضد مصر والسودان ،، وبعدها رئيس وزراء انجلترا أتصل بالرئيس السيسى عشان يقول أنهم معانا ويعلمون أهمية النيل لمصر وأنهم هايدفعوا من أجل البدء فوراً فى مفاوضات جادة تفضى إلى أتفاق قانونى عادل وملزم ..

كل ده وأولاد الحبشة فشلوا فى أستكمال الملىء التانى وسحبوا العمال والمعدات من عند السد والفيضان عبر الممر الاوسط ولن تنقص نقطة مياه واحدة من حصة مصر ..

ورجالة التيجراى بيلعبوا شوط تانى على أعلى مستوى وروح جديدة خالص عن الشوط الأول وقطعوا السكة الحديد المنفذ الرئيسى لأستيراد وتصدير أثيوبيا عن طريق موانى جيبوتى .. يعنى خنق كامل لأبييه حمادة .

دلوقتى عندنا عام كامل نلاعب فيه ولاد الحبشة ونقسم فيهم وعليهم زى ما إحنا عايزين ، ومافيش أمامهم غير حاجتين .. أما تكون السنة الجاية مافيش حاجة أسمها اثيوبيا أو هايكون فيه أتفاق قانونى ملزم بضمانات دولية يحدد قواعد الملىء والتشغيل فى جميع الأحوال سواء فيه فيضان أو جفاف أو جفاف ممتد ، واللى عايزاه مصر هايتعمل شاء من شاء وأبى من أبى

كل اللى قال عليه الرئيس السيسى .. أدينا بنشوفه بيتحقق أدام عنينا .

واللى لسة عنده قلق .. يبقى ماعداش على مصر ولا شاف النيـل فى أحضان الشجر .. ولا سمع مواويل فى ليالى القمر
ياحبيبتى يا مصر يا مصر .. ياحبيبتى يا مصر .
وحاجة بالعقل لو حد خدم في البلد هيقدر يخونها؟

زر الذهاب إلى الأعلى