حوارات

ترند نيوز تستضيف المستشار القانونى مصطفى المركبي في حوار خاص

حوار: زينب نصر

من علي الارض طريح أثر حادثة مروعة قرر الصعود للنجوم حتي يقول للجميع لا تستلم مهما واجهتك الصعاب، حدثت له الكثير من المشاكل لكنه لم يستسلم من ضمن هذه المشاكل استغلال محامى له و انفصال حبيبته عنه والحادثه المروعه التى غيرت مجري حياتي بالكامل
حوارنا اليوم مع صاحب المقوله الشهريه “لو الناس افتكرت اني وقعت فالواقع اني هقودهم من علي الارض”
المحبوب عند الجميع وله شعبيه كبيرة عند الأطفال، صاحب ومؤسس كيان المحامى المبتدئ هذا الشخص المكافح مطفى المركبى البالغ من العمر ٣٣ سنه ابن محافظه القاهرة درس جامعة القاهرة، حاصل علي دبلوم قانوني في الجنائي ،وباحث القانونى فى قانون الأحوال الشخصية، وباحث قانونى فى قانون المرافاعات المصرى ،وباحث أيضا فى قانون العقوبات الفرنسى مع التعمق، باحث فى قانون المدنى الكويتى، ومشرف قانونى لدى شركة المركبى للحديد والتسليح وصاحب مكتب مستشار القانونى مصطفى المركبى واخيرا صاحب قناة المحامي المبتدى

■ما سبب فكرة كيان وقناة المحامى المبتدى ؟
دي فكرتها مساعده اي شخص عايز يتعلم ومش عارف قررت اني هساعده لاني زيه زمان وانا طالب
مكناش معايا فلوس وبعدين زي ما قولتك لما اتخرجت مكنش عندي وسطي ولا معرفه اني اشتغل ولا حتي عندي علاقات ولما ابتديت اتدرب اتهانت جامد والفكرة جاتلى وانا فى فترة تعبى كنت علي السرير طريح الارض وبين قعدت في وحده كبيره كنت بقرر في كل لحظه اني انشر الخير واساعد الفقراء واوصل للعالم اقول لكل مريض اوع تستسلم للمرض

■احكيلنا عن شعورك وانت بتلاقى نتيجه المساعده بتاعتك للناس وخاصتا المحامين ووصول القناة بتاعتك للعدد الكبير من المتابعين؟

بمنتهي الصراحه بحس اني شخص مهم في حياه ناس كتيره وبحس فعلا بدعوات الناس ليا طالعه من قلبهم بحس ان الناس غرقنا في البحر ومصدقك لاقيت حد صادق

■استاذ مصطفى اتعرضت قبل كده للاستغلال ممكن تحكيلنا ازاى حصل كده؟
افتكر في موقف هو طبعا عمره ما اشيال جوايا حقد بس واقعي كنت شغال مع محامي كبير وعنده اولاده كان عامل ليا ولزملاىي مرتب ٢٠٠ ج والغريبه انه بيدي ابنه الصغير خالص مصروف ٤٠٠ كل شهر
والابن الوسط ٥٠٠والابنه الكبيره ٦٠٠ قدام عينيا
والاغرب اننا كنا شايلن المكتب

■عرفت انك تعرضت لحادث خطير ممكن نعرف التفصيل ؟
موتسكيل خبطني وانا بعمل تدريب جري ليله ٢٠١٦/١٢/١٣وبعدين شوفت المرار في فتره السرير دي
وشوفت اهانات من تخلف الدكاتره قررت اقوم من السرير بتعليمات دكتور ووقالي انزل ولما ابتديت انزل اتضح ان العضم مكنش لاحم وعادو العمليه في ابريل ٢٠١٧ قعدت سنه وشهر في رحله عذاب تانيه بين اربع حيطان محدش بيسال عني من الاقارب
او الاصحاب وبعدين خفيت مشيت شويه
قالوا هنشيل المسمار وبعدين شالوا ورجعت تاني لحياتي لحد ماساءه يوم ٢٥ اغسطس ٢٠٢٠
كانت كارثه رجلب كان فيها تسوس عظام
والعظم تاكل وكانت خطره جدا روحت المستشفي كسروا العضم تاني بس المرهةدي وقف جنبي
ناس كتيره وكنت ابتديت في المحامي المبتدئ يوصل لناس اكتر قررت انس هستمر
ومش هستسلم وبقيت اشرح ليهم وانا راقد علي الارض وكنت واخد بنج نصفي طبعا كان عاملي في ظهري شلل لمده شهرعلي ابتديت اقعد زي الناس كدا
وبفضل فضلت اكمل وكل ما رجلي تجيب صديد اكمل واقدرت اني اوصل العلم للناس وبتدت فكرة كيان المحامى المبتدئ

■لك شعبيه كبيره جدا وخاصتا للأطفال المعاقين ذهنين ايه سبب الحب ده وايه اكتر المواقف ال مش هتنساها منهم؟
تبع جميعه اطفال معاقين ذهنيه وانا لما خفيت قررت اروح افرحهم ومصور معاهم فيديو هجيبه ليكي
كنت عامل حفله في ٢٠١٩/١٢/١٣ذكري ليوم ٢٠١٦/١٢/١٣ لاني بحتفل فيه مع الاطفال
الموقف بقى لما حصلت كارثه ٢٥ / ٨ كان فى طفله تبع المعاقين ذهنين رفضت تخليني احط دماغي علي الارض لاني طبعا مكنتش بقعد

■لكلا منا حافز من كان يدعمك ويساعدك؟
فى فترة مرضى والدي ووالداتي وجدتي هما اللي كانوا واقفين جنبي خصوصا فتره العصيبه دى اللى كنت بتذل فيها واعمل حمام علي السرير فتره مهينه لاي انسان
طبعا في بعض الشخصيات بردو زي عم سيد المنجد
دا جارنا كان بيجي يشلني بايديه وويديني المستشفي بالتاكسي بتاعه بس طبعا بيشليني شيل زي الرضيع
وبردو منساش فضل المدرب اسامه سيد في النادي عندنا لان دا بردو مثال للنجاح الصامت علمني ان العمل في صمت دستور حياه شخص عنده حاجه و اربعين سنه وبيجري زي الشباب الصغير واسرع متخيله علمنى الفكرة وكان صاحب فضل عليا

■هل المجال القانونى صعب؟ وكيف احترفت فيه؟

لا هو مش صعب تعديه الطريق في حد ذاتها صعبه وصعود السلم في حد ذاته كله مشقه بس لو خدنا الامور سلمه سلمه وكنا حذرين وعندنا صبر وعمل مستمر هنتعلم القانون وممكن اي شى في الدنيا
يعني كل شي في بدايه صعبه ولما نتحرك عليه ونجتهد نتقن الشئ ونبقي محترفين فيه واشهر مثال اللي بيتعلم السواقه الناس تقعد تقوله دا صعب جدا بس مع الممارسه الجاده والمستمره هيبقي وضع عادي بس الاهم انه يتدري ويركن الخوف وعلاج الخوف هو الافعال

■تحب تنصح ايه الشباب ال فاقد الامل فى بكرا والشباب ال ماشى ورا الفقر ومصدق انه فقير ومهيعملش حاجه؟

اقول لاي شاب واقول لنفسي كمان ان ربنا خلقنا علشان خاطر نعمر ارضه ولو جالنا اليأس ودخل قلبنا لا نستحق اننا نكون بني ادمين ولو بصيت بتدبر لقطه او اي حيوان هتلاقي ان ربنا ميزك بالعقل يبقي لازم تحمد ربنا وتجتهد وتفكر وتفشل وتجتهد وتفكر وتفشل وتحاول وتحاول لحد ما تنتج انتاج عظيم ترضي به نفسك وترضي به ربك وترضي به المجتمع لان نجاحك هيخلي ناس كتير تتشابه بيكي وتحاول زيك يبقي انت مش مسؤول عن نفسك وبس انت مسؤول عن مجتمع كامل بس انت مش واخد بالك اقول لكل الناس الفقر الحقيقي هو فقر النفوس مش الفلوس والفقير بيكون في عقله مش في ماله لان لو بصينا هنلاقي اننا اغني الناس وخدوها مني حكمه وتجربه انا لما كنت بعمل الحمام علي السرير ومش قادر اجيب لنفسي المياه حسيت بالفقر الحقيقي وان الغني الصحيح كان في الصحه حتي لو مفيش معايا جينه

زر الذهاب إلى الأعلى