آراء حرة

الشخص النرجسي

كتبت/مروة عيد

الشخص النرجسي نجده في حياة كل واحد منّا، ممثل بارع، يعيش دوره بإتقان، يصعب عليك فصل حقيقته عن ادِّعائه، وكذبه.

له وجهان :الأول الملائكي إلي بيظهره بيه ؤدام الناس ، والتاني الكائن المؤذي إلي بيدمّر إلي بيعاشره سواء كان المؤذي(أب، أم، زوج، زوجة).

الأسباب إلي أدت إنت الشخص ده يكون نرجسي هو شعوره الداخلي، والعميق بالعار…خليط من مشاعر الخزي، وأفكار النقص، والدونية، وعدم الكفاية، وهى مشاعر متأصلة في تكوينه ، ترسخت فنظرته لنفسه من وقت تكوُّن الأنا عنده لما كان طفل.

من أكثر الصفات إلي هتعرفك إنك قابلت شخص نرجسي هو إنه بيمارس مرض الإسقاط،، كل عيوبه بيلصقها في إلي بيعاشره، ويتهمه بيها.

فخره الشديد، وإعجابه بنفسه، وبنجاحه، وحتي بجماله إلي مش موجود منه إتنين ،حتى أفكاره بيتخيل إن مفيش حد بيفكر بطريقته، وهو الوحيد الذي بيفهم، والباقي جَهَلة في نظره .

أحادي القطبين،، بمعنى إنه بيحب إلي يوافقه في كل إلي بيقوله، وبيعمله، ويكره إلي يجادله أو ينتقده، ويقول رأي غير رأيه.

مستحيل يتعاطف مع الآخرين، ولا يعرف الحب، لكنه بيحب نفسه، ومصلحته جدًا “أناني”.

عنده قُدرة في لعبة “هات وخُد” يكسب إلي ؤدامه لحد ما يقع في حبه، وبعد كده يلعب بمشاعره “فخ النرجسي”.
ينتقص من ميزات شريكه أو إبنه علشان يتأثر الطرف التاني، وتهتز نظرته لنفسه.

شخص غير واضح، بيحب اللّوع، بيستخدم دايمًا المراوغة، والتلاعب بالكلام، فهو بيتنفس “كذب”.

يحب يحكي مشاكله، لكنه مش بيحب يسمع معاناة إلي بيعيش معاه.

هدفه تشويه صورة الطرف التاني ؤدام الناس علشان يظهر في صورة المظلوم، المغلوب على أمره.

ماشي طول الوقت على سياسة “قلب الترابيزة” علشان يكسب أي موقف لصالحه.
هل النرجسي ممكن يتغير؟

لا يتغير النرجسي ! لأنه في الغالب بيرفض اعترافه بوجود مشكلة نفسية، وإن حصل وذهب لدكتور نفسي هيكون ذهابه إضطراي أو إجباري، النرجسي في الوقت ده بيراوغ الدكتور، ويقاوم الإقتراحات إلي بيقولهاله علشان يثبت لنفسه، وللغير إن المشكلة بسبب الطرف التاني مش منه.

هل النرجسي متعمد للإيذاء ؟
للأسف متعمد، وبيستهدف الشخص الطيب، والمسالم علشان يعرف يدمره، ويهز ثقته بنفسه، ودي متعته، لأنه مريض نفسي نرجسي.
المصادر:
• كتاب أحببت وغْدًا
‏ ‏د.عماد رشاد عثمان
•فخ الطاووس
‏د.سحر النادي

زر الذهاب إلى الأعلى