حوارات

الإجتهاد في الوصول إلي أحلامِنا وإن عجز الطريق

كتبت : فاطمة حجاج

حوار مع الطالب محمود صابر

كثير من طلاب الثانوية العامة تتوقف أحلامهم بعد ظهور النتيجه يظنون أن الحياه تقف علي هذه المرحلة وأن ليس لديهم فرصه للتطور ، والوصول إلى مراحل أكبر مما كانوا يتمنوا ، ولسوء أفكارهم السلبيه نجد كثير من حالات الانتحار ، سنتحدث اليوم مع طالب إستطاع أن يطور نفسه في مجال الطب ، وهو بكلية دار العلوم

ممكن تعرفنا بنفسك ؟؟
أنا محمود صابر من أسيوط عمري ٢١ سنه طالب في كلية دار العلوم وحاليا مساعد أول لدي دكتور اسنان

اي الكلية ل كنت حابب تدخلها ؟؟
كنت حابب أدخل كليه حقوق
بس ولدي أصر أن أدخل كلية إسلاميه ومتهم باللغه العربيه ف صمم أن انسق علي دار العلوم

كلية دار العلوم يعني بتدرس لغه عربيه ودراسات إسلاميه ازاي قدرت توصل لمجال الطب وانت بهذه الكليه ؟؟؟
كان حاجه من جوايا وكان عندي حوافز كفايه
ف اتدربت فتره صغيره وبقيت بسمع فيديوهات عن طب الاسنان وبقرا مصطلحات ولقيت دوره ازاي اتعلم حشو العصب وانا دكتور مبتدي بس انا مش دكتور اصلا

اي طبيعة عملك كمساعد اول ؟؟
طبيعه عملي ان اكون مساعد الدكتور في كل حاجه اولا ان الحاله اللي هتيجي لو عارف انها هتعمل ايه اذا كان حشو عصب مثلا لو الفك العلوي بكون مجهز بنج معين ولا الفك السفلي بكون مجهز بنج معين وادوات الحشو بكون مجهزها بمجرد ما اسمع من الدكتور ايه الحاله بالظبط

حل يوجد شخص ما له تأثير في. حياتك ووصولك لهذه المرحله ؟؟
اه طبعا فيه منهم والدتي ومنهم صديق واخ عزيز عليا اما والدي ساعدني بس مفرضش عليا ف مكنش ليه تاثير كافي

اوصفلي شعورك عند وصولك لهذا المجال ؟؟؟
كنت فرحان اكيد بس كنت خايف خالص من جوايا بخصوص الامراض والفيرس وان اتصاب

هل سبق لك وان تلقيت اي تحفيزات من الدكتور الذي تعمل معه ؟؟
ايوه طبعا الدكتور شخصيه مرحه جدا دائما بيمدحني علي عملي وإنجازاتي ولاجتهادي معه كافئني بذيادة المرتب وقلبو طيب جدا حفزني ووقف معايه كتير بجد وكان مبسوط في حاجات كتير بعملها من اول مره بكفاءه عاليه خالص ومن المواقف سبق أن عملت مقاس في فم الحاله ف انبهر لدرجه الدقه في القاس وقال بسم الله ماشاء الله عليك مقاس ممتاز خالص
وطبعا دي حاجه من المواقف الكويسه ف علشان كده كل فتره بزيد في الاجر وبزيد في الخبره

اي اغلاب المعلومات ل قدرت تستفاد بيها في طب الأسنان ؟؟
اه طبعا استفدت كتير خبره في الطب وفي المعامله مع الناس
ان مفيش حاجه تتحفظ بالظبط
يعني كل حاله ليها حاجه تنفع وحاجه لا بعني اصح مفيش حاجه ثابته يعني الحشو العصب مثلا ليه كذه طريقه فيه طرق معينه بتنفع مع حد وطرق متفعش
اه طبعا استفدت كتير خبره في الطب وفي المعامله مع الناس

استاذ محمود بعد الانتهاء من مرحلة الثانويه لم تتوقف احلامك وأصرت أن تصل لمجال من كلية القمه هل ليدك احلام اخري تعسي لها ؟؟
اه طبعا اي شخص بيكون ليه اهداف واحلام مش بتتوقف علي زمن معين ف اكيد فيه احلام بسعي وبحاول اوصل اليها

وفي النهاية رسالة لكل طالب أن الوصول لكلية قمة ليس هي النهاية وإنما نجاحك يمكُن في أن تكون أنت القمه الاحلام والأهداف ليست محدده وإنما نستطيع مع شروق كل شمس أن يكون لنا احلام وأهداف جديده نسعي للوصول إليها ، فكل مكان وكل مجال وكل عمل واي كلية نستطيع بهم أن نرتفع إلي أماكن قمه ولكن بالإجتهاد والإصرار والثقه والعزيمه وإذا بحثنا عبر مواقع السوشيل ميديا سنجد أشخاص كثيره استطاعات أن ترتفع بمكانها وهي في البدايه لم تكن شي ، فكن قوي وابدا احلام جيده وأسعي لتحقيقها

زر الذهاب إلى الأعلى