أدب وفنحوارات

” رشا عمار” الفنانه التشكيلية في حوار خاص لجريده ترند نيوز : أحلم للوصول للعالمية بالخامات المصرية

كتبت : هاجر عبدالعليم

رشا عمار بنت محافظة الاسماعيليه تبلغ من العمر ٣٨ عاما مصممة اكسسوارات وهاند ميد للتراث القديم وتجسد الشخصيات من الخرز ،ومن هنا لقبت بالفنانه التشكيلية ،أمنت بموهبتها وحلمها ،اجتهدت في عملها وطورت من نفسهاوحققت نجاح في مجالها ،أبرز أعمالها كولكشن فرعوني ،تحلم للوصول الى العالميه

س/متي بدأتي التصميم وشغل الاكسسوارات والهاند ميد ؟
بدأت من وانا عندي ١٣ عام كنت بعمل شنط مكرميه وبقوم إعادة تدوير الحاجات القديمه وبعدها توقفت وعودت مره أخري للعمل

ماهي أهم التكريمات التي حصلت عليها ؟
تكريمي من معرض رؤيه عربيه وفن التشكيلي وبعدها عملت كولكشن فرعوني منها عين حورس و العين ودا اول ظهور ليا في الفضائيه المصريه بكولكش الفرعوني وبحاول اجتهد اكتر واكتر لتحقيق حلمي

س/ ما هي اهم احلامك ؟
حلمي اني اوصل للعالميه بخامات مصريه بدأت اشتغل على نفسي كتير وبدأت اشتغل حتى لو الشغل هيتلف او مش هيبقي بنفس المضمون الذي أريده

ماهي الخامات التي تستخدمها في العمل؟
وبدأت ابحث على أحدث الخامات وادور كيف اجعل الاكسسوارات شكلها مختلف مش تقليدية حاولت ونجحت بفضل الله في اختياري تصميمات الاكسسوارات

وبدأت ابحث على الخامات اللي كل الناس بتستعملها لاغراض بعيده تمام عن الفاشون ومكملات الاناقه بدأت اول خامه وهي الخيش بدأت اعمل من بورتفيهات وطعمها بالخرز وحولت الخيش اللي بيتعمل في تعبئة المواد الغذائية الي قطع من الاكسسوارات والشنط بطريقه مبدعه… وبدأت بعدها استخدام قماش دك وده معروف للستائر فقط بدأت اعمل من شنط وطعمها ب أيتامين سيناوي وشرايط هندي غيرت مفهوم القماش تماما.

كيف طورتي من عملك ؟
بدأت اجسد الشخصيات وتطورت من شغل كتيرعملت شخصية صفاء جلال الممثله المحبوبة عملت شخصيه فاشون دايزاينز نانسي العليمي والفنان هاني يوسف والفنان احمد جمال وشخصيات كرتونيه للأطفال وشارلي شابلن وغيرهم من الشخصيات.

ماهي الصعوبات التي واجهتها في مجال عملك ؟
في البدايه كنت باشتري خامات كتيره وأتلفت مني ولم أيأس بدأت اعمل اكسسوارات لنفسي قطعه ب قطعه وحازت إعجاب المقربين والاصدقاء ومن وقتها بدأت اشتغل بقوه واول حاجه بدأتها اني اوظف الخيش وبدأت عمل شنط من الخيش واكسسوارات وبدأت اجسد شخصيات من الخرز ومن هنا لقبت بفنانه تشكيليه ،ومن ضمن الصعوبات اللي بتواجهني هي المتريل او الخامات اللي بشتغل بيها انا من الإسماعيلية والمحلات هنا قليله ومش دايما بتواجد كل الخامات ف بضطرانزل القاهره لشراء الخامات، وكمان أجد صعوبة في مشكله التسويق

ماهي نصيحتك للشباب ؟
نصحيتي للشباب اشتغل من بيتك وبيدك وبأقل الخامات وباقل تكلفه تبدأ تعمل مشروع صغير يفيدك ويفيد بلدك واوعى تستلم للبطاله او اليأس اجتهد و عافر هتلاقي نفسك وكيانك في شغلك أحلم وجرى ورا حلمك وحققه

لمن توجه الشكر؟
احب اشكر امي رحمه الله عليها هي مثلي الأعلى حبيت شغلي منها كنت احب اشوفها وهي بتشتغل واتفرج واتعلم منها حاجات كتير هي ليها الفضل اولا واخيرا.

زر الذهاب إلى الأعلى