آراء حرة

قصيدة “لما عيشك فن هابط”

كتب : احمد ابراهيم

لما عيشك فن هابط
واللى غيّر فى المبادئ
واللى غنا بصوت حمار

واللى رايح مهرجان
واللى دافع بالدولار
واللى عايش دور ستار

هو جاهل بقتدار
فن هابط واللى راقص
ع المسارح
واللى ثقف له حمار

أهل فن بجهل واضح
و كل واحد مهرجان

والمعاني حبة زرقه
ورقصه باردة
والله كله رقص بار

قالوا فن شئ يجن
والله أصبح خزي عار

صوت نشاز
رقص ناس
والجنون أصبح أساس

والتذاكر بالألوف م الدولار
والهدَايا للحمار

واللى هادي كان خروف
واللى قالب ف الحروف
واللى عايش دور ستار

كل فن وله أصول
اللى يعرف فى الأصول

مش عباطه
او غَتاته
او قلاطه

مش كلام خارج قبيح
او موسيقة بدون معاني
واللى راقص ع الأغاني
وللى رافص كا الحمار

اللى قالع القميص نص عاري
واللى ضيّع ف المعاني
واللى دمّر جيل بلادي

فن هابط واللى راقص
واللى عاشق جهل
واكِل ف العقول
قالوا فن؟

قولت معنى الأنحدار

لما عيشك فن هابط
واللى غيّر فى المبادئ
واللى غنا بصوت حمار

واللى رايح مهرجان
واللى دافع بالدولار
واللى عايش دور ستار

هو جاهل بقتدار
فن هابط
فن هابط
فن هابط

زر الذهاب إلى الأعلى