آراء حرة

كواليس ما قبل 2022

كتبت /ميرنا يونس

الكواليس دايما بتبقي قاسيه ومجرحه لبعض من الناس والبعض الاخر بيفكرو انها نهايه العالم وان كدا خلاص ميعرفوش ان الكواليس دي ممكن تكون بدايه
بس بدايه للناس اللي قامت وقدرت وعافرت.

قصص النجاح عمرها ما بتكون بالساهل لازم تبقي قايمه علي مرمطه وذل وتعب وصحيان بدري ومزاكره كتير جدا جدا وارهاق وخنقه قبل ما تبص علي نجاح حد

بص قد ايه هو تعب وشقي بص كام مرا وقع ف نص الطريق ومكنش قادر يكمل ، بص قد اي كان مش عايز يكمل مهو بشر ف الاول والاخر ، بص كام مرا اتخنق وحصل معاه مشاكل قفلته من الدنيا كلها ، بص كام مرا كان بيشوف ناس هما اصلا ناسه مش معترفين بنجاحه بالرغم من ان العالم كله فخور بنجاح الشخص دا .

اوعوا تستهينوا بنجاح حد ، اوعوا تستهينوا بوصول حد لحاجه هو بيحبها ، انا واحده من الناس القليلون اللي كنت عايزا ادخل حقوق واول كلمه سمعتها من اهلي وتحديدا اسرتي اخرتها حقوق اه اخرتها حقوق مش الفكره مين بيدخل كليه اي المهم مين بيبقي متميز ف الكليه دي ما الناس كلها بتدخل كليات وتنجح وتعدي وف ناس تدخل كليات قمه وتسقط وتيجي علي سن 25 سنه وتبص علي عمرها اللي هو اصلا فاضي عملتوا ايه

اتعملتوا محنا كلنا عدينا بمراحل التعليم
بس مش كلنا كنا مميزين
مش كلنا سبنا بصمه ف مكان
كليه الحقوق تخرج منها الالف من البشر
بس مش كلهم
معالي الاستاذ علي عبدالعال رئيس مجلش الشعب سابقا
مش كلهم معالي الاستاذ محمد علي محجوب وزير الاوقاف واستاذ بكليه الشرطه سابقا
مش كلهم معالي الاستاذ حازم عتلم رحمه الله عليه رئيس منظمه اليونسكو …. الخ
كل دول درسوا حقوق اللي ممكن يكون بعض منكم مستهينا بيها بس دي الحقيقه بتبصوا لمهن الحره بس زي المحامي ع الرغم من ان المحامي زمان كان مكانته عاليه جدا ومرموقه افضل من دلوقتي بالرغم من انها من المهن الاساسيه في أي بلد
بس احنا مبنحبش نشوف كواليس حد احنا بنحب نبص علي النجاح علي طول وبس

زر الذهاب إلى الأعلى