منوعات

تعيشي يامصر

كتب شريف الجيار

و أشوريا ساع آوى
مش شفره دى غناوى
غنّاها نوبى أصيل
ف الحرب مش هاوى
ترجمها ف الحال أخوه
إضرب عدو . إنفخوه
الساعه تمّ إتنين
الله عليكوا يا وحوش
حتى الدليل غاوى .
بحراوى و سيناوى
و الجند زى طوفان
توب الرجوله أهو بان
لا تقولى مين فينا ؟
محمود و لا مينا
الكل تحت العلم
إصطفّ أهو و أنسجم
و النصر جه يجرى
و شهيدنا من بدرى
صعدت روحه لمولاه
يا بخته اللى أصطفاه
يا بلدى صدق الوعد
يا النصر يا شهاده
يا حاره ولّاده
فى كل يوم أشبال
ف الحل و الترحال
شايله الوطن ف القلب
أصل الوطن غالى
يا نخلنا العالى
إطرح ف غير مواعيد
أصل النهارده العيد
الأرض رجعت لنا
و هأغنّى موالى
و هأقول تعيشى يا مصر
و حياتى تحلى لى

زر الذهاب إلى الأعلى