منوعات

خواطر سلمي ” دي النهاية”

سلمي أشرف

أكتر حاجه مُهينه ممكن أي إنسان يتعرضلها إنه يتساب من غير مبررات اللي هو فجأه مكانه راح و مبقاش مهم تاني و إتنسي،
إتنسي من غير ما يعرف هو غلط في إيه و لا عَمل إيه علشان يتنسي و ينتهي بالطريقه المُهينه دي ..

بكره الناس اللي بتبعد و تاخد منك حقك في إنك تدافع عن نفسك، حقك في إنك تاخد فرصه تانيه حتى لو غلطت تصلح غلطتك، لاء أنت وحش و سيئ و هتتساب بمُنتهى الأنانيه، هنخليك بس تشوف إنك متستاهلش و متتحبش هنخلي ثقتك في نفسك تتهز و تبدأ تتعامل على إنك سئ جدًا ..

بصراحه مش عارفه أبدًا أوصل لمبرر ممكن يخلي أي واحد يبعد من سكات و يتغير معاك و يهمشك من حياته لمُجرد انه اضايق منك في حاجة ممكن يكون فاهمها غلط، و مش بتمنى للناس دي غير انهم يتسابوا بنفس الطريقه و يعيشوا نفس الوجع، كُل يوم يبصوا لنفسهم في المرايه و يقولوا انهم ميستاهلوش يتحبوا علشان هما بيبعدوا الناس عنهم من غير مبرر، يعيشوا ناقصين و الخوف ماليهم، يجربوا يتسابوا و يتوجعوا و يعرفوا يعني أيه وحده ..

ياريت أي حد يقرأ الكلام دا يبقي عارف ان كل واحد من حقه يعرف هو غلط في ايه، من حقه ياخد فرصه تانيه، من حقه يتعاتب و يدافع عن نفسه، بلاش تدوسوا علي الناس و ارحموهم علشان دي أكتر حاجة ممكن توجع أي حد في الدُنيا.



زر الذهاب إلى الأعلى