منوعات

عبير محمود تكتب.. مساء الخير

كتبت عبير محمود

مساء الخير ..
على الذكرى اللى بنعافر عشان ننساها مبننساش ..
على قلوب عايشه فى الماضى
عشان مش لاقيه فى الحاضر ساعات تتعاش ..
على عيونك الحلوين وتكوينهم
ورسم الوجع بينهم ..
على أيامك الجايه وبتمنى تشوف الأمل فيها ..
ولو كان فى السما غيمه
مسير الشمس هتنور
وهتحرر
قيود أحلامك المسجونه فى النوته
فى تفكيرك
فى مج القهوه
فى تقصيرك
تجاه البنت اللى حبتها
وخدها خلاص واحد غيرك

زر الذهاب إلى الأعلى