أدب وفن

يسرا أشرف .. فنانة تشكيلية تتحدي مرضها بالرسم وحلمها أن تعمل معرض باسمها وتقابل رئيس الجمهورية

حوار : هاجر عبد العليم

يسرا أشرف فتاه جميله ومبدعه لديها قوه واراده وتحدي لأي شى مهما كان صعب بعزيمتها وحبها لربها ولنفسها تغلبت علي كل المصاعب التي اهمها المرض تحدته بالرسم فهي فنانه تشكيليه من ذوي القدرات الفائقه لديها شلل دماغي ديستونيا حركة لا اراديه أتت إليها إثر سخونيه داخليه وفقدت الحركه والنطق وكانت لا تتحرك لمدة ١٤ سنه كانت محبه للرسم جدا منذ صغرها علي الرغم أنها كانت لا تعرف تمسك ورقه حتي كانت بتحرك بعينها ولكن كبرت وأصبح عندها 7 أعوام وبدأت تربط القلم في ايدها وتاتي بورقه وتشخبط فيها ومره علي مره استطاعت أن تمسك. بايدها وبدأت تتحرك شويه ، وبارادتها وعزيمتها واصرارها تحدت كل الظروف وتغلبت علي مرضها بالرسم، كما أنها حصلت علي شهاده فخريه من السفير دعاء عماد الدين بك سفير الامم المتحدة وحصلت علي عده ايام شهادة دكتوراه فخريه من الأردنية العربيه ولهذا كان لنا معه حوار خاص وممتع

من الذي قام بدعمك ؟
كنت بطلب من والدي الله يرحمه ومامتي ربنا يبارك فيها يارب بطلب الالوان واسكتشات كانو بيجبولي كنت بحفز نفسي بنفسي وعمري ما استنيت كلمه ولا تشجيع من حد خالص حتي أقرب الناس ليا او اخواتي اي حد مكنتش بستني منهم تشجيع

ماذا عن المراحل التعليميه الاعداديه والثانويه ؟
كبرت وحصلت علي الاعداديه وكنت بتحرك وابتديت امشي بس لما حد يسندني والدي الله يرحمه كان دائما معي في اي حاجه هو وماما قررت أني هدخل ثانوي زخرفه واعمل معادله وادخل فنون جميله لان بعشق الرسم معظم المدارس مقبلوش حالتي فالاعداديه اخدتها منازل لكن في ثانوي كان لازم انزل ذهبت ورفضوا حالتي الصحيه وعملت اختبار ذكاء ساعتها طلع 86٪ يعني نسبه معقوله ومتوسطه حصلت عليها وأيضا رفضوا بسبب الحاله الصحيه قالولي تريدي أن تكوني منزل انتظري عامين في البيت لكي يصبح سن عمال الذي هو منزلي ففي العامين دول عملت دراسات حره في علم النفس كتير وجبت كتب كنت أقرأ واللخص الكتب بعد عامين ذهبت كما قالو الي وقدمت تاني اترفضت برضو ،بعدها لاقيت صحافيه من جريدة الأهرام كتبت عني اني فنانه تشكيليه وبحب ارسم وعايزه اكمل دراستي وبعدها اليوم السابع كتب عني وصور معايا مرتين وكذا جريده كتبت في وسط كل ده وانا بحاول اقدم ثانوي زخرفه ورحت الوزاره فالوقت ده قناة dmc وصلتلي وصورت معايا ، اتحديت تعبي بالرسم وكده وفي نفس الوقت بنحاول عشان اكمل تعليمي ذهبت الي الوزاره وقابلت واحده مسئوله هناك بدون ذكر اسماء قالتلي علي شويه ورق وعملتهم في 5 شهور ورحتلها بالورق بعد 5 شهور لاقتها بتبصلي بتقولي مش انت طالعه تهللي فالاعلام وتقولي عايزه اكمل دراستي روحي بقي كملي تهليل طبعا اتعصبت عليها بعد تعب 5 شهورالمهم روحت بعدها بكام يوم لاقيت موقع مبتدأ بيكلمني عايز يصور معايا المهم وافقت وطلعت صورت وحكيت كل ده المهم التصوير نزل بعدها لاقيت اقبال ع كلامي رهيييييييييب ولازم تكملي دراتسك لازم تاخدي حقووقك وبعدها بيوم لاقيت دكتور اشرف رضا عميد كلية فنون جميله استدعاني فالكليه أعطاني منحه في الدرسات الحره قسم تصوير 3 شهور بقيت واقفه طايره من الفرحه والبهجه اللي انا فيها بسبب ان المكان اللي كنت بحلم بيه طول عمري اروح وهبقي فيها المهم روحت وجه معايا موقع مبتدا تاني عشان يصور اللقاء وفعلا اتصور اللقاء ونزل وكم الناس اللي فرحت عشان كملت حاجه كان نفسي فيها

ماذا عن مشاركتك في المعارض رغم الصعوبات التي تعرضتي لها ؟

وسط كل هذا شاركت في 22 معرض منهم معراضين فالاردن وتكريم من لبنان ومن افضل المعارض اللي دخلته كان معرض ارت فيجن ، بعدها انتهيت من المنحه وبعدها وجدت دكتوره امنيه من كلية فنون جميله اعطتني منحه تاني في قسم جرافيك

بم تنصح الشباب ؟
خليك مقتنع بنفسك مد ايدك لنفسك وقومها وملكش دعوه باللي حوالي مش عشان 100 وقعو من شأنك تقع في مليون جمبك وفي ضهرك عايزينك أفضل وعايزينك دايماً في نجاح وتقدم
الفشل اول طريق للنجاح كونك فشلت فأنت نجحت الفشل في حد ذاته نجاح حاول مرة واتنين ومليون كونك فشلت فأنت نجحت

أهم أهدافك وطموحاتك؟

أتمني اعمل معرض باسمي واقابل الريس

لمن توجه الشكر؟

الشكر لوالدي الله يرحمه ومامتي ربنا يبارك فيها

من هو مثلك الأعلي؟

مثلي الاعلي دكتور يحيى الفخراني

زر الذهاب إلى الأعلى