منوعات

العثور على جثة سيدة مسنة أسمها الحاجة سعاد عندها 84 سنة في حالة تعفن تام

كتب : هاني رفاعي

الريحة كانت صعبة والجيران بلغت وجت الشرطة كسروا باب الشقة ووجدوا السيدة متعفنة تماما .. وقامت الشرطة بإستدعاء ابنها الكبير عنده 50 سنة قال إنها كانت عايشة لوحدها وكل واحد منهم هو وأخواته في بيته
الكلام ده حدث أمس .. وتقرير الطبيب الشرعي طلع النهاردة وقال إن الست متوفية من 15 يوم يعني قبل العيد ب8 أيام
يعني الوقفة جت والعيد دخل ومافيش عيل من ولادها فكر حتي يعدي يعيد عليها .. تخيلت كدة لما العيد ييجي ومحدش يسأل أومال كانوا بيعملوا أيه في الأيام العادية معاها .. لا والبجح أبنها يقول أنا آخر مرة شوفتها يوم 1 في الشهر كنت رايح أقبض ليها المعاش وأديهولها
يعني هي عبارة عن فلوس .. فاكر المعاش وميعاده لأنها على كلامه بتساعده في شوار بنته كل شهر بجزء .. غير كدة ماكنش فاكر أمه .. ولما تيجي تعاتبه يقولك الدنيا تلاهي .. مقرف أوي أوى ذلك الجحود ربنا ينتقم منهم
حسبنا الله ونعم الوكيل

زر الذهاب إلى الأعلى