أدب وفن

شيرين عبدالوهاب : حسام حبيب طلب ننزل نتطلق وأنا لابسة “قميص النوم”

ترند نيوز

كشفت الفنانة شيرين عبد الوهاب سبب حلاقتها لشعرها، مشيرة إلى أن حسام حبيب هو السبب وظل يستفزها، بجانب الحديث عن حقيقة علاقتها به.

وخلال مداخلة هاتفية ببرنامج “كلمة أخيرة”، مع الإعلامية لميس الحديدي تابعت: أنا تأذيت من نفسي إني طلعت أغني وشكلي كده بس أنا قوية وبتحمل ومكنش فيه حاجة ممكن أعملها عشان بناتي، ولما رجعنا بعد الطلاق وهو رجع لممارساته مرة أخرى البنات كانوا بيشوفوا نفس الخناقات ونفس التصرفات وكان بيدخل في كل شيء وكل صغيرة وكبيرة لأنه إنسان فاضي معندوش شغل.

وواصلت شيرين: حسام حبيب هو السبب في حلاقتي لشعري وجالي الفندق واتخانق معايا وصالحني وقلتله امشي دلوقتي لحد ما أهدى لكنه أصر على البقاء وقلي إنزلي معايا دلوقتي وكنت بقميص النوم وقولتله يعني أنا شيرين عبد الوهاب أنزل من الفندق بقميص نوم عشان نتطلق؟.. وقولتله مش هنزل وأنت تجيب المأذون وتبقى راجل وتقولي أنتي طالق لكنه رفض واستفزني لحد ما حلقت شعري.

واختتمت: أنا عاوزة أستغفر ربنا لأني كدبت كتير على الناس، وحاولت أجمل صورة حسام حبيب وأنا مبحبش الكدب وكنت بجمل صورته، بس عشان يغور وأرتاح منه وعربيتي المرسيدس كانت باسمه واتسرقت وإحنا في الساحل الشمالي.

زر الذهاب إلى الأعلى