رياضة

بدر بانون : ” حسيت اني مش هبقي مفيد للأهلي الفترة دي “

كتب : علي القاضي

تحدث المدافع الدولي المغربي بدر بانون لاعب نادي قطر القطري الحالي والأهلي سابقا ، مع الإعلامي إبراهيم فايق فى برنامج جمهور الثالثة عن عدة أمور مهمة.

وعبر بدر عن حبه لجمهور الأهلي قائلا :” أي كلمة هقولها في حق جمهور الأهلي مش هتوفيهم حقهم .. كان في حب وود بينا ودعمهم ليا وقت الكورونا .. أتمنى إني أكون خليت صورتي حلوة قدامهم ودائما الأهلي فوق الجميع”.

وعن حلمه اضاف قائلا : “كان حلمي وأنا صغير كنت أكسب أفريقيا وفي أول سنة مع الأهلي حققت البطولة وهو ده نادي البطولات .. أتشرف إني لبست تيشيرت الأهلي .. النادي الأهلي نادي بعقلية أوروبية ” .

وعن دوري أبطال إفريقيا تحدث قائلا : ” كل البطولات اللي حققتها مع الأهلي في نفس المكانة .. بس حلمي كان الفوز بدوري أبطال أفريقيا وحققته ودي من أغلى البطولات مع برونزية كأس العالم للأندية ” .

وعن موقفه مع عبد الحفيظ حكي قائلا : ” موقف هقوله لأول مرة .. لعبنا نهائي أفريقيا مع كايزر في المغرب وكان بعدها بيومين العيد الأضحى وبعدها ماتش البنك الأهلي .. قولت للكابتن عبد الحفيظ أعيد مع العائلة قالي مفيش الكلام ده في الأهلي وفهمت إن ده تفكير نادي البطولات .. غير الأهلي يكسب أفريقيا يقعد 10 سنين يحتفل ” .

وعن سبب خروجه من الاهلى تحدث : ” حسيت إني مش هبقى مفيد للأهلي الفترة دي وقولت إنهم لازم يستفيدوا بمكاني بالذات وأنا لاعب أجنبي ”

وعن رسالته لجماهير الأحمر قال : ” رسالتي لجماهير الأهلي الفريق بيمر بظروف صعبة .. 5 سنين بيلعبوا من غير راحة .. لازم الجماهير تقف جنب الفريق الفترة دي .. الأهلي هو رقم 1 في أفريقيا ” .

وعن سبب رحيله صرح قائلا : ” أزمة كورونا سبب رحيلي عن الأهلي ومن الأحسن كان الانسحاب وقولت مش هقدر افيد النادى لانى لاعب اجنبى والأحسن الاستفادة بلاعب اخر لأن الأهلي دايما محتاج اللاعب الجاهز لأنه نادى بعقلية اوروبية.
‏وكان نفسى أحقق بطولة افريقيا مع الرجاء ولكن حققتها مع الأهلي وبعدها البرونزية ” .

وأضاف قائلا : ” تشرفت بالعمل مع موسيمانى ، عقلية الجمهور والإدارة وسيد عبد الحفيظ دايما المكسب ”
واختتم قائلا :” لعبت فى احسن نادى فى افريقيا هو النادى الأهلي , عايز اوصل رساله للجمهور خليكوا دايما فى ضهر الأهلي لأنه يستحق يفضل رقم واحد ” .

زر الذهاب إلى الأعلى