أدب وفنحوادث وقضايا

“ياسمين علي” تكشف عن تعرض غرفتها لحريق بسبب ماس كهربائي

كتبت : ساره جمال مصطفي

قامت المطربة ياسمين علي بالكشف عن تعرض منزلها لحريق بسبب ماس كهربائي، فضلًا عن تعرضها قبل يوم إلى حادث سير، ونشرت صورة لغرفتها عبر حسابها على “انستجرام”، معلقة عليها: “ما بحبش الطاقة السلبية والله بس أعمل إيه طيب، إمبارح الساعه 2 بليل كنت قاعدة مع بابا وماما وبنتفرج عالتليفزيون قمت عشان أروح أوضتي انام”.

واستكملت : “دخلت الأوضة قعدت دقيقة شميت ريحة بلاستيك محروق ومش فاهمة الريحة جاية من فين فجأة بدون مقدمات وربنا عالم باللي حاقوله (لقيت السقف علي وسعه مولع نار كله بمعنى الكلمة وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه”.

وتابعت حديثها: “كل ده ف لحظات اتاري الجار من فوق في مية بتنزل من عنده عالسقف عندنا فعملت ماس فالكهرباء وحصلت النار اللي شوفتها دي، لو ماكنتش دخلت الأوضة ف التوقيت اللي روحت فيه، الله اعلم كان حصل إيه”.

وعلى جانب آخر فقد وجهت ياسمين علي رسالة إلى جمهورها قائلة: “وقبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه، كل واحد له فيلم عايشه، احمدوا ربنا على كل لحظة أمان انتوا عايشينها بدون ترويع وعدم ستر وماتبصوش لحياة حد أبدًا من بره”.

وفى سياق آخر قد ذُكِرَ أن ياسمين علي قدمت مؤخرًا تتر مسلسل “الضاحك الباكي” الذي عرض خلال الفترة الماضية، وتحدث عن السيرة الذاتية للفنان الراحل نجيب الريحاني، وهو من بطولة عمرو عبدالجليل، فردوس عبدالحميد، رزان مغربي، محمد سليمان، رامي الطونباري، ياسر الطوبجي، الروسية يانا جمال، المطرب مصطفى شوقي، المطربة صولا عمر، تأليف محمد الغيطي، إخراج محمد فاضل.

زر الذهاب إلى الأعلى