منوعات

تاجر العقول (الإدمان)

بقلم/تغريد ابو الحسن

 

ابيع السعاده
ابيع الفرح
ابيع الرضا
لو عاوز ضحك هستيري موجود
ولو زعلان هغيرلك المود
انا مش طالب مجهود
عاوزك متريش
تصرف تكلف وتتكيف
هتحس براحه
في كل انواعي متاحه
سواء شكه ابره
او شويه مشروب
هتقرب مني بس حاسب
ياهتكون غالب يامغلوب
هتنسا معاي اي هموم
وهسحبك لعالم مجنون
تعيش فيه محروم
من اهلك وبيتك وحياتك
في وجودي هيكون مماتك
لو لسه معرفتش انا مين
فيؤسفني اقولك اني قرين
بدمر الإنسان
ايوه انا الادمان
هقلب حياتك جحيم
وتعيش معيل
بتفكير متغير
زي طفل صغير
وتكون عنيد
وبالتدريج
تقتل وتسرق
وتكرر وتعيد
وفي يوم تَقل شربك
وهيتقال مات سكران
او كافر غفلان
لايعرف صلاه
ولا يؤمن بكونه انسان
عليه حق زي ما ليه
وإن حياته تهم ال حواليه

زر الذهاب إلى الأعلى