منوعات

الأسف والنسيان

كتب/محمود طلعت

بتأسف وبدعيلك
وبشكيله في كل صلاة
اسف ليكي
وهحكيكي في كل كلامي
اسف ليكي
وهراضيكي
انا ليكي
وهناديكي بكل كلام
يا حبي يا عمري
يا كل اللام
يا كل لحظه بفكرها قبل ما نام
اسف ليكي يا حلم جميل
يا حلم طويل بنصحي منه علي فرحه
بقت طرحه بقت حزن كتير والام
انا هنام وهحلف اني محلمش
وبحلم برضو كالعاده ماهي عاده
حبي ليكي كان عاده
المي برضو كان عاده
بتأسف وهنساكي ماهنساكي
بقنع نفسي كالعاده
ما هي زياده ألم وكلام
موضوعك نهايته كلام
وهنام وهحلم بيكي من تاني
منا غاوي مهو الغاوي ينش حمامه
لكن بيستني رجوعه
ولو مرجعش بيرجع يسأل الغيه علي مكانه
مهو غاوي
بتأسف علي حبي ال ظهرلك ضعف
لكنه مضعش
منا واثق وانا واثق اني هنام المرادي
ومش هحلم ويجي طيفك من بعيد
ويخطف قلبي كالعاده منا بحلم
يلعن ابو دي الحياه
اللي تخلي راجل قلبه قاعد لجل واحده
بس هي مكنتش واحده
كانت حياه
كانت عروق بتمشي
ودمي واقف
هي تنفع الدنيا تمشي من غير عروق
هو ينفع الدم يمشي من غير وريد
كانت هي دمي وانا وريدها
مادام الحب لحبيبها خلاص امشي
وانا كالعادة
ماهنمشي
لأن الحب إدمان
وحنين وطيبه
وشويه وحاجات غريبه
الحب دم
الحب بيكون مشاكل بسيطه
بتتحل بكلمه حلوه
غمزه بتخطف القلب
دم بيمشي للقلب فيديله حنين وهدوء
فيمده سنين ووعود
وكلام محلي بزياده
بعتذرلك وبتاسف وبتاسف.

زر الذهاب إلى الأعلى